WNR

WNR
World News Reader

الأربعاء، 15 ديسمبر 2010

حاجة بتوجع اوى

حاجة بتوجع اوى

بقلم: محمود عبد الحفيظ 
 
اصبحت حاجة طبيعية جدا انك لما تدخل مثلا على موقع يوتيوب تشاهد فيديو عربى تجد فى التعليقات اللى تحت الفيديو كل العرب بيشتموا فى بعض
او فى تعليقات المنتديات العربية او فى اى شات عربى او اى موقع عربى بيسمح للجميع كتابة التعليقات فيه
تجد ان كل العرب بيشتموا و يسبوا و يلعنوا فى بعض
تلاقى واحد مصرى و واحد سعودى بيسبوا فى بعض و الكويتى بيسب فى العراقى و المغربى بيشتم فى الليبى و التونسى بيشتم فى القطرى الخ.....
ايه يا جماعة فيه ايه؟ احنا ليه نسينا ان ايام الفتح الاسلامى كانت الدول دى كلها دولة واحدة اسمها الامة الاسلامية من الحجاز الى اسبانيا . احنا ليه بقينا كده؟ و مين اللى قدر يفككنا و يفرقنا كده؟
احنا ليه نسينا ان كلنا عرب بتجمعنا لغة واحدة و كلنا بنؤمن بالله سواء كنا مسلمين او مسيحيين. يعنى كلنا اخوة نؤمن باله واحد و بنتكلم لغة واحدة.
حاجة توجع اوى لما تجيلك الاهانة من اخوك ، حاجة توجع اوى لما اخوك يحقد عليك او يحسدك ، حاجة توجع اوى لما اخوك هو اللى يضربك فى ضهرك ، حاجة توجع اوى لما اخوك يتحالف مع عدوك ضدك!!

مين اللى قدر يفرقنا للدرجة دى؟ هلى هى الحدود اللى بقت بين الدول العربية؟ بس الحدود اتعملت لحفظ الحقوق و ليس  لتمزيق الامة 
هل هى اسماء الدول؟ لكن كل شىء فى الدنيا يوضع له اسم لكى يكون له كينونة لا لكى تضيع كينونته
هل هى جوازات السفر و القوانين؟ وضعت القوانين لحفظ النظام و لم توضع لتمزيق النظام و نشر الفوضى و الهمجية

هل هو مخطط صهيونى لتمزيق الامة؟ كيف استطاعوا؟ كيف لهم ان يقنعونا جميعا ان نكره بعضنا ؟ هذا مخطط شيطانى و ليس صهيونى.
كيف يمكن لامة عظيمة لها حضارة و تاريخ مثل الامة العربية ان تكون بهذه الهمجية؟؟!!

و هل كان الهدف من وراء التطور التكنولوجى و الانترنت هو تقريب المسافات و المساعدة على التواصل ام كان الهدف منه تمزيق الامة و المساعدة على نشر الكره و العدوانية؟؟!
و لو فعلا هو فخ من اعداء الامة نجحوا فى ايقاعنا فيه اما ان الاوان ان نفيق و نراجع انفسنا و نستيقظ من غفلتنا؟؟
اما ان الاوان ان نتصالح مع انفسنا و مع اخواننا؟؟!! اما ان الاوان ان نتكاتف و بدلا من ان نسب اخواننا فى كل مكان و نلقى عليهم اللوم دائما ان نصارح انفسنا جميعا باننا كلنا مقصرون ؟؟!!

بالله عليكم كفى ، لماذا لا نرى فى المواقع الاوربية و الامريكية مثل هذه الفضائح و الخلافات؟؟!!

عمرى ما شفت موقع او فيديو امريكى او اوروبى ووجدت فى التعليقات سب او شتائم ، كلها تكون تعليقات محترمة اما بالنقد او بالتشجيع.
ليه منكونش احنا كمان كده؟؟ عجبك الموضوع او الفيديو او لم يعجبك ضع تعليقك باحترام او اصمت. 

هل هذه هى اخلاق الاسلام او اخلاق المسيحية؟ 
لماذا يرى كل واحد فينا ان الحق معه هو وحده و كل الاخرين مخطئين؟
لماذا لا نتحلى بالاخلاق الطيبة ؟ 
ألم يفكر احد من قبل ان الاسلام انتشر زمان بسفرائه فى الخارج  فكان الناس عندما يرون اخلاق المسلم يدخلون فى الاسلام . و الان عندنا الانترنت المفتوح امام العالم كله و نفعل ذلك؟ الا يجب ان نتحلى نحن بالاخلاق الحسنة فضلا عنهم ؟ الم يخطر ببالك و انت تسب اخوك العربى و تشتمه ان هناك اجنبى يتعلم العربية يدخل يتصفح موقعك فيرى كل هذه الفضائح فيغير نظرته تماما عن العرب؟

 ادعوا الجميع الى التوقف عن هذا الاسلوب الغير حضارى و الذى لا يتناسب مع حضارتنا و تاريخنا نحن العرب و محاولة لم ما تبقى من جسد هذه الامة الممزق و اناشدكم جميعا بان تدعوا لذلك فى مواضيعكم و فى منتدياتكم
اذا كنت صاحب حق فاطلبه بادب و ان شاهدت موضوع ترى ان فيه اسائة لك او لبلدك فاكتب تعليق محترم ينبه صاحب الموضوع الى خطأه بدون استخدام كلمات مهينه او مسيئة و ان كنت صاحب موضوع  فيه اسائة لاى دولة او شخص من فضلك امسحه او عدله لانك لا تقبل ان يضع احد على الانترنت موضوع يسيء لك 
و ان كنت صاحب موضوع و شاهدت سب او شتم بين المعلقين فمن فضلك لا تصمت امسح الموضوع او اوقف التعليقات هو اكرم لك و افضل عند الله
ارجو منكم جميعا ان تسمعونى بعقولكم و ارجو ان تنشروا الموضوع و تناقشوه مع كل زملائكم

شكرا