محمود عبد الحفيظ

محمود عبد الحفيظ
لو لم أكن صعيدى ... كنت هزعل اوى ... محمود عبد الحفيظ

Follow me on FB

الأحد، 13 فبراير، 2011

يجب ان يتنحى

يجب ان تتنحى 


بقلم : محمود عبد الحفيظ





قد ايه مبسوط و عندى أمل فى بكرة و حاسس ان مصر بلدنا بجد بتتغير
قد ايه مبسوط بالشباب اللى كلهم قاموا و اشتغلوا و نظفوا البلد و كلهم دلوقتى أمل و حماس رغم ان هى هى الوجوه اللى كان ماليها الاحباط و اليأس من شهر واحد بس








انا عاوز اقول للشباب ان الثورة لسة منتهتش و ان اللى جاى اقوى و اصعب من اللى راح بكتير
 احنا كده مخلصناش احنا كده لسة بنبتدى . صحيح ان النظام تنحى و رؤوس الفساد قد زالت و لكن لسة فيه حجات كتير فى حياتنا يجب ان تتنحى ايضا


الرشاوى اللى بتدفع فى المصالح الحكومية علشان تخلص اوراقك يجب ان تتنحى

الجهل يجب ان يتنحى

الامية يجب ان تتنحى

الذل يجب ان يتنحى


الظلم يجب ان يتنحى


اللامبالاة التى  كان مصاب بها الشعب المصرى و ان كل واحد يقول : انا مالى "  أو " يا عم يعنى هى جت علية انا ماهو كله بيعمل كده"
و الجملة الشهيرة "فوت علينا بكرة" و اللى تطورت مع تطور التكنولوجيا و اصبحت " السيستم عطلان" كل ده يجب ان يتنحى.

بلطجة الشرطة على الشعب و الالقاب بتاعت "فلان بيه و علان باشا " يجب ان تتنحى


عدم الاهتمام بالنظافة العامة للشوارع و القاء القمامة يجب ان يتنحى


عدم الاهتمام باوقات العمل الرسمية و انك تيجى بعد معادك بنصف ساعة و تمشى قبل ميعاد انصرافك بساعة يجب ان يتنحى


عدم اهتمامك بدراستك يجب ان يتنحى


يأسك و الفكرة المسيطرة على اغلب الناس ان صوتك لن يصل الى اى مكان يجب ان يتنحى


درجك المغلق بالمفتاح على ابحاثك اللى عملتها يجب ان يتنحى و تطلع منه الابحاث لترى النور


افكارك القديمة كلها بأن مصلحتك اولا يجب ان تتنحى لان الافكار الان هى مصر اولا


عدم اهتمامك بالدين و الصلوات يجب ان يتنحى


عدم اهتمامك بعملك يجب ان يتنحى فمهما كانت وظيفتك بسيطة فانت تساهم فى بناء مصر


عدم متابعتك للسياسة و ما يجرى فى البلاد العربية يجب ان يتنحى فانت الان مسؤول عن مصر مثل اى مصرى شريف و يجب ان تكون واسع الاطلاع حتى اذا طلب منك اى استفتاء تكون فعلا قد المسؤولية


عدم اهتمامك بالانتخبات و حصولك على بطاقة انتخابية يجب ان يتنحى فانت الان من سيقرر فعلا و بدون تزوير او سرقة اصوات من يمثلك فى مجلس الشعب


عدم اهتمامك بالتعرف على جيرانك و من حولك يجب ان يتنحى فانت الان مسؤول مع جيرانك عن نظافة و نظام المنطقة التى تعيش بها


عدم اهتمامك بمتابعة الاسعار فى الاسواق يجب ان يتنحى فانت اذا اشتريت سلعة من محل بأغلى من تسعيرتها يجب ان تبلغ الجهات المختصة


فكرتك عن ان المنتج المصرى ردىء و المنتج الاجنبى احسن منه يجب ان تتنحى لاننا لازم دلوقتى نشجع المنتج المصرى


عدم اهتمامك باى خطأ يحدث فى الشارع يجب ان يتنحى فكلنا الان مسؤولون عما يحدث فى الشارع


عدم اهتمامك بمظهرك يجب ان يتنحى فانت تمثل مصر فى اى مكان تذهب اليه و يجب من الان فصاعدا ان تكون مصر دائما فى ازهى صورها

و أخيرا عدم اهتمامك بقرائة مثل هذه المقالات يجب ان يتنحى فالكاتب يتعب كثيرا ليشرح لك فكرة تفيدك فى حياتك فلا تستهين بالقراءة و الثقافة فهى النور الذى يضىء الحياة









ليست هناك تعليقات:

إرسال تعليق