محمود عبد الحفيظ

محمود عبد الحفيظ
لو لم أكن صعيدى ... كنت هزعل اوى ... محمود عبد الحفيظ

Follow me on FB

الأربعاء، 27 أبريل، 2011

ضحكنا كتير و هزرنا كتير .. نشتغل بقى : محمود عبد الحفيظ


همسات ثورية


ضحكنا كتير و هزرنا كتير .. نشتغل بقى

بقلم : محمود عبد الحفيظ




بعد المظاهرات و الانتفاضات و المليونيات و الاعتصامات و كل ما هو آت قدرنا ان احنا نبنى نصف الهرم الأكبر المسمى بهرم الثورة و الذى سيأخذ مكانه فى تاريخ مصر بجانب أهرامات الجيزة الشهيرة ليكون مقبرة لكل ديكتاتور و ليكون شاهدا على أعظم شعب فى التاريخ ....

أمامنا الآن التحدى الأصعب و هو بناء النصف الآخر من الهرم و ذلك لن يتم بالجلوس و عمل صفحات جديدة كل يوم على الفيس بوك فحواها كلها الاستهزاء بالنظام البائد و السخرية منه و انما سيتم بالعمل الجاد ...


-احزننا جميعا ما حدث فى قنا و خاصة الاعتصام على خط السكة الحديد و ايقاف حركة القطارات فبالنسبة للتظاهر و الاعتصام هو حق مشروع لا نستطيع ان نقول فيه شىء و لكن ايقاف حركة القطارات من اجل مصلحة شخصية هو للاسف يندرج تحت لفظ "بلطجة" سواء قام به فرد او مجموعة او حتى مدينة كاملة فبرغم من انى صعيدى اعتز جدا بصعيديتى الا اننى استنكر هذا التصرف فلا يمكن ان اوقف مصالح الناس من اجل مصلحتى الشخصية .. 
حركة القطارات هى شريان رئيسى فى قلب الدولة يتحرك فيه مئات الموظفين و العمال يوميا الى اعمالهم و ينقل الغلال و المواد التموينية و الزراعية من و الى كافة انحاء مصر فكيف تضمن انك بغلق طريق او ايقاف قطار لم تمنع الدواء عن مريض او الغذاء عن جوعان او انك تسببت بطريق غير مباشر تأخير وصول النجدة لمن تمثل له الدقيقة الواحدة حياة او موت؟!
و انك بايقاف طريق او قطار تساعد بالتأكيد فى الاضرار بمصالح جزء كبير من الدولة قد يفوق مصلحة المعتصمين انفسهم.. 

صراحة كنت اود ان اتكلم فى هذا الموضوع فى وقتها ولكنى خشيت من ان كثرة الحديث لاستنكار ما حدث يدفع الجيش لفض الاعتصام مرة اخرى بالقوة فنخرج من "نقرة نقع فى دحديرة" و يبقى حلينا مشكلة بمصيبة مثلما حدث من قبل فى التحرير... و هذا لا يمنع ان مطلب اهالى قنا كان شرعيا بانهم لا يوافقون على تعيين محافظ معين و لكن الاعتصام و التظاهر السلمى دون التعرض لمصالح احد هو ما كنا نأمله منهم و نحمد الله ان المشكلة انتهت على خير ..




-عندما كنا فى ميدان التحرير كانت اهدافنا واحدة و كنا كلنا متفقين على مطالب معينة ننادى بها جميعا حتى الثوار فى المحافظات الاخرى كانوا متفقين على نفس المطالب و كأننا تواصلنا بدون ان نتصل و بالفعل استطعنا تحقيق مطالبنا ... 
عندما تركنا الميدان و قد أحسسنا بزهوة النصر ذهب كل منا بحثا عن الغنائم .. ذكرنى هذا بغزوة أحد عندما أمر الرسول "صلى الله عليه و سلم" المحاربين على جبل الرماة بألا يتركوا أماكنهم الا بأمر منه و لكنهم عندما أحسوا بزهوة النصر تركوا الجبل بحثا عن الغنائم و كانت النتيجة كما نعرف جميعا انقلبت عليهم و خسروا المعركة... لا أريد أن نصل لهذا أريد أن نظل فى الميدان بقلوبنا و أن نقدم مصر فوق مصالحنا الشخصية ... ليس الوقت وقت البحث عن المصالح الشخصية و المكاسب الفئوية من الثورة و لكنه وقت البحث عن أفضل طريقة لاعادة مصر و دورها العظيم الذى فقدته طوال السنوات الماضية  ...


-عندما عدت الى السعودية بعد الثورة استقبلنى الجميع هنا اسقبال الفاتحين و فرح بى الاخوة السعوديين قبل المصريين  و كأننى كنت فى معركة اجاهد فى سبيل الله ... فرحت جداا بذلك و شعرت وقتها أن الثورة فعلا قد اعادت لنا كرامتنا و عندما كانوا يطلبون منى أن أحكى بالتفصيل ما شاهدته فى الثورة كنت سعيدا جدا و فخورا و انا أحكى ما استطاع ان يحققه شباب مصر فى فترة وجيزة و الذى عجزت عنه قيادات و احزاب فى سنوات طويلة ... ارجوكم اكملوا دوركم فى رفع رأس مصر عاليا و رفع رأس المصريين داخل و خارج مصر و اعادة كرامتهم...

كل اللى هقدر اقوله دلوقتى اننا عملنا الثورة و انتصرنا و فرحنا و احتفلنا بنصرنا فى كل مكان و على صفحات الانترنت بما فيه الكفاية ممكن نشتغل بقى؟ ممكن ننتج بقى؟ 
ممكن كل طالب يرجع جامعته يدرس بجد و يحاول فعلا انه يتخرج منها و يفيد بلده ..
ممكن كل شاب اتخرج من الجامعه و مبيشتغلش بعد ما درس و طلع عينه يبدأ بجد يدور على اى شغل يشتغله و يقتنع ان فى شغله ده مهما كان بسيط ممكن يفيد مصر و ميستناش انه يشوف نتيجة للثورة دلوقتى 
مصر لسة قدامها فترة على ما تسترد عافيتها من النزيف الذى نزفته طوال 30 عاما و انتهى بعملية جراحية ثورية تحتاج بعدها الى فترة نقاهة ليست بالقليلة او الهينة  يجب علينا ان نظل بجانبها نطببها حتى تقوم مرة اخرى و لا نعطيها ظهورنا لاهين عابثين و نتركها تتألم وحدها....

علشان خاطر مصر ..
ضحكنا كتير و هزرنا كتير .. نشتغل بقى 

توقيع : صعيدى من مصر

هناك 3 تعليقات:

  1. أنا هقول لحضرتك على حاجه
    أنا متفق معاك جدا إن اللى عمله أهل قنا ده مش صح
    بس هما فعلا لجأوا لكده لما محدش كان بيسمعلهم بمعنى أوضح هما كانوا فى منأى عن أهل الحضر وكأننا بنأولهم إعملوا اللى إنتم عايزينه إنتو فى جبل مين هيسمعكم !!!!!!!!!!!!!!!!
    هما عملوا كده لإنهم إضطروا لكده علشان يتسمع صوتهم
    وللأسف اللى أنا شايفه إن لسى مفيش تغير فى أى حاجه بمعنى إن سياسات الدوله هيا هيا متغيرتش إطلاقا
    هيا هيا نفس النظره الضيقه للأحداث ونفس الأسلوب فى عدم التحرك والتصرف إلا عند وجود كارثه أو مصيبه
    النظره دى لازم تتغير لإنهم لو بدأوا بحل المشاكل قبل ما تظهر عمرها ما كانت هتظهر
    فيه حاجه كمان هقولك عليها
    حضرتك عارف أنا لما بحب أسمع الأخبار بتاع مصر على التليفزيون أنا بسمع قناة أيه .....
    أكيد إنتا عارف هيا قناة الجزيره مباشر مصر
    طب ليه ما أسمعش أخبارنا من قناتنا المصريه أنا مش فاهم هو لسى فيه أيه لحد الوقت لسى فيه إهمال وكسل وعدم وعى
    على فكره بأى أهالى قنا قعدم أربع أيام معتصمين من غير ما يعملوا أى حاجه بس للأسف محدش سمعلهم خالص فاضطروا غنهم يعملوا كده وأول لما عملوا كده على طول التليفزيون المصرى جابهم وبيأول أهالى محافظة قنا يقطعون شريط السكك الحديديه
    أنا نفسى بجد النظره تتغير ونبأى عندنا وعى أكتر من كده
    .............
    أنا مع حضرتك إن الثوره كانت لازم تحصل لإن نظرة العالم لينا كانت وحشه جدا جدا لدرجة إننا كنا عاملين زى المتسولين فى نظرهم والحمد لله كرامتنا رجعت لينا تانى
    ومعاك كمان إن الناس لازم تتغير لازم تتغير وتعيش بحريه تشتغل بحريه تبدأ تبنى البلد بجد وتعمر وتزرع وتعمل كل اللى يبنى ويكبر مصرنا اللى هيا أغلى عندنا من نفسنا
    شكرا جزيلا على توضيح حضرتك وإنتا إنسان محترم بجد وربنا يكرمك يارب
    وآسف جدا على الإطاله لكن أنا لما بأول اللى فى قلبى الورق مش بيكفى
    تمنياتى بالنجاح : محمد يحيى

    ردحذف
  2. شكرا لك يا محمد و على ذوقك و اتمنى اشوف تعليقاتك البناءة دى على طول فى مدونتى و متخفش مش هنحاسبك على الورق طول براحتك فى التعليقات يا سيدى بالعكس لما بنتناقش كده فيه حاجات كتير بتوضح مبنبقاش كلنا شايفنها
    و نتمنى نتغير كلنا للاحسن و نغير بلدنا

    ردحذف
  3. شكرا ليك يا أستاذ محمود على رد حضرتك وزوقك وتقبلك للرأى الآخر وأتمنى مكنش أزعجتك
    وبإذن الله معاك دايما وهقول على كل حاجه متقلقش إحنا بعد الثوره بأى والرد حق مكفول للجميع متقلقش خالص من الناحيه دى

    ردحذف